Miðvikudagur 25 Júlí

Samantekt.

Boston: Við erum bæði sammála um að Boston hafði komið virkilega skemmtilega á óvart. Við vorum líka svo heppin að lenda á alveg hreint frábærum guide í svona túristaferð sem sagði svo skemmtilega frá. Þar fórum við líka á Cheers… “Where everybody knows you’re name.”… og já.. sáum Lögguna úr Heroes.

New York: Alveg ótrúlega stór borg og virkar í fyrstu svolítið yfirþyrmandi… en vááá þegar maður aðeins kynnist borginn þá heillar hún alltaf meir og meir. Ásta var algjörlega heilluð og þetta er einn af hápunktum ferðarinnar hjá henni. Við gerðum náttúrulega alveg ótrúlega hluti þarna, fórum upp í Empire State Building og svo í þyrluferð og ekki má gleyma Flugeldasýningunni á 4th of July…með rigningu og öllu tilheyrandi. Fórum í 2 túristaferðir og í annari þeirra var svo fyndinn og skemmtilegur Guide… alveg algjör New Yorker eins og hann sagði sjálfur.

Niagara Falls: Annað váá… miklu miklu stærri en maður hélt. Yfirleitt það sem maður sér á öllum myndum frá fossunum eru þeir sem eru Kanada megin en það eru líka fossar sem eru Ameríku megin og þetta allt saman er bara alveg ótrúlega náttúruperla. Líka gaman að þegar við fórum á Niagara Falls þá fórum við líka til Kanada og fengum stimpil í vegabréfið… Canada Niagara Falls!

Chicago: Stoppuðum eiginlega bara of stutt í Chicago. Okkur langar allavega báðum að kynnast þessari borg betur. Við fórum svo á The Police tónleikana á Wrigley Field sem er heimavöllur The Cups og hefur verið notaður í fjölda kvikmynda. Ótrúleg upplifun að vera á svona stórum tónleikum, en þarna voru yfir 40 þúsund manns.

Mount Rushmore: Alveg hreint ótrúlegt að einhver skuli hafa ákveðið að höggva út þessar styttur þarna lengst upp í fjalli, þarna lengst út í rassgati!!! En já… mjög gaman að hafa séð þetta!

Löng Ökuferð: Tveggja daga ökuferð þar sem við keyrðum í gegnum mjög skemmtilegt landslag, alveg frá grónum skógum og inn í eyðimörkina…

Las Vegas: Lengsta stoppið okkar. Enda mjög mikið að sjá í Vegas. Við gistum á einu af stóru hótelunum… Luxor… pýramídahótelið. Við fórum á ýkt skemmtilega Bítlasýningu með The FabFour, upp í Stratopshere turn í svona “fallturn” eða hvað það heitir og á Uppistand með Jay Leno. Við skoðuðum líka flest öll stærstu hótelin, enda er það bara upplifun fyrir sig. Gaman að sjá hvað hefur verið lagt alveg rosalega mikið í þau. Hjalta fannst þetta vera einn af hápunktum ferðarinnar.

Hoover Dam og Grand Canyon Sky Walk: Einn daginn af þeim sem við vorum í Vegas skelltum við okkur í ökuferð. Við ætluðum nú bara að fara skoða Skywalkið en á leið okkar þangað þá keyrðum við yfir Hoover Dam. Bæði hreint ótrúleg mannvirki. Held ég fái ennþá í magnn af lofthræðslu bara á að hugsa um Skywalkið… enda var glergólf og fólkið sem vinnur þarna skemmtir sér held ég alveg konunglega við að hlæja að fólkinu tipla á tánum þarna. Ljósmyndarinn þar sagði okkur líka frá því að það hefur komið fyrir að fólk hafi skriðið til baka því það hafi fengið svo mikið hræðslukast.

Los Angeles: Það stóð nú helst uppúr að hafa farið í Universal Studios. Auðvitað samt gaman að hafa séð Walk of Fame og Hollywood skiltið. En ekki hægt að segja að Los Angeles hafi verið að heilla mann alveg upp úr skónum. Já eitt sem ég held við höfum ekki sagt ykkur frá… borðuðum á stað sem að Kristrún mældi með.. réttur nr 51.

Ennþá lengri Ökuferð: Vegabréf og Sími sem enduðu í ruslinu og töfðu okkur um alveg hálfan dag og gott betur en það, annars ekki mikið sem gerðist á leiðinni, jú fórum aðeins inn á Route 66.

Graceland: Alveg hreint frábært stopp á degi 3 í “Ennþá lengri Ökuferð” Mér fannst þetta alveg bara fullkomna þessa ferð, því þetta var einn af svona stöðum sem mig hefur lengi lengi langað til að koma á. TCB.

Washington: Já Washington kom bara alveg jafn skemmtilega á óvart og Boston. Ég hafði nú reyndar komið þangað en hafði samt bara ekki hugmynd um hvað borgin hefur uppá mikið að bjóða. Bæði sammála um að þetta sé borg sem er alveg þess virði að fara aftur til. Þó það væri ekki nema bara til að komast yfir að skoða Smitshonian söfnin. Þarna vorum við líka komin aftur í þægilegri hita og bæði sammála um að Austurströndin sé að heilla meira.

Boston Again: Jaa eða svona næstum, gistum rétt fyrir utan Boston, samt bara um 10 mín að fara niður í miðbæ. Gerðum mest lítið, fórum aðeins að versla og svo að borða á Steikhúsi sem að hafði verið mælt með við okkur… og já.. gerðum okkur ready til að halda heim á leið…

En já… hérna eru svo öll Fylkin sem við fórum til… eða keyrðum í gegnum.

Massachusetts – The Bay State

New York – The Empire State

Conneticut – The Constitution State, The Nutmeg State

Pensylvania – Keystone State, Quaker State, Coal State, Oil State

New Jersey – The Garden State

Michigan – The Wolverine State, The Great Lakes State, The Automotive State, Winter Water Wonderland

Indiana – The Hoosier State

Illinois – The Land of Lincoln, The Prairie State

Wisconsin - Badger State, America’s Dairyland

Iowa – The Hawkeye State, The Tall Corn State

South Dakota – The Mount Rushmore State (official), The Sunshine State

Wyoming – The Equality State, Cowboy State

Colorado – the Centennial State

Utah – The Beehive State

Nevada – The Silver State

California – The Golden State

Arizona – The Grand Canyon State / The Cooper State

New Mexico – The Land of Enchantment

Texas – The Lone Star State

Oklahoma – The Sooner State

Arkansas – The Natural State

Tenneessee - Volunteer State

Virginia – old Dominion, Mother of Presidents

Washington DC – DC, The District

Maryland – Old Line State; Free State

New Hampshire – The Granite State

Hérna er svo allt sem við keyrðum… en þetta endaði í rétt rúmlega 8 þúsund mílum… eða  um 12.800 km